EMAMAKI: 80 SIKHATSI: 2 ema-awa
Leliphepha lehlukaniswe tigaba letintsatfu:
SIGABA A: Indzaba (Labahlolwako baphocelelekile kutsi bacale ngeluhlaka.) 
Labahlolwako balindzeleke kutsi baphendvule munye umbuto esigabeni A, munye esigabeni B, namunye esigabeni C.
Cala LESO NALESO sigaba ekhasini LELISHA udvwebele emva kwaleso naleso sigaba.
Shiya umugca emkhatsini wetimphendvulo takho.
Bhala ngebunono nangesandla lesifundzekako.
Caphelisisa sipelingi nendlela yekwakha imisho. Labahlolwako batawuklonyeliswa emamaki ngekuhlela nekubukisisa emaphutsa emisebentini yabo.
SIGABA A: INDZABA
Bhala indzaba NGASINYE saletihloko letilandzelako ibe ngemagama lali-150 - 180.
Bhala ngemshado bewukhona endzaweni yangakini. [40] NOBE
Lengakubona embukisweni wemnyaka esigodzini sakitsi. [40] NOBE
Bhala indzaba ucondzise kulesitfombe lesingentasi. Yinike sihloko lesifanele lendzaba.
NOBE
NOBE
Umuntfu lengifisa kufana naye. [40]SAMBA SIGABA A: 40
Khetsa KUNYE kulokulandzelako ubhale ngako ngemagama langema- 60 - 80.
Bhalela umngani wakho loshonelwe batali engotini yemoto umdvudvute. [20] NOBE
Kuvulwe lihhotela lelisha ngakini. Bakhiphe sikhangisi semsebenti wekuba nguweta. Bhala incwadzi ucele lomsebenti. [20]
NOBE
Umntfwana wakini utsite nakengca kamakhelwane inja yakhona yamsukela yamluma. Bhala inkhulumomphendvulwano emkhatsini wamake wakho namakhelwane. [20]
SAMBA SIGABA B: 20
Khetsa KUNYE kulokulandzelako ubhale ngako ngemagama langema- 40 - 60.
Dzadzewenu lomdzala utsenge indlu edolobheni. Bhala likhadi lesimemo umeme umngani wakho nemndeni wakhe edzilini lekuvula lendlu. [20]
NOBE
NOBE
Umngani wakho ukubone ugcoke ticatfulo watitsandza. Mbhalele inkhombandlela umlayele lesitolo lotitsenge kuso. [20]
SAMBA SIGABA C: 20 SAMBA SAKO KONKHE:80
